Luana Bajrami, regjisorja e filmit të metrazhit të gjatë “Luaneshat e Kodrës”, ka fituar çmimin “Regjisorja më e Mirë” në “Raindance Fest” të Londrës.
“Raindance”, në të cilin triumfoi Bajrami, është festivali më i madh i pavarur i filmit në Britaninë e Madhe, raporton Paparaci.
“Luaneshat e Kodrës”, është një film që portretizon jetët e tri vajzave të reja në Kosovë.
Diku në një fshat të vogël në Kosovë, tri të reja shohin se si ëndrrat dhe ambiciet e tyre po shuhen. Ato janë në kërkim të lirisë dhe asgjë nuk mund t’i ndalojë, ka ardhur koha që luaneshat të ulërijnë.
Kjo është tema e filmit “Luaneshat e Kodrës”, me regji të Luana Bajramt.
And the winner for the Best Director is “The Hill Where The Lionesses Roar”, directed by “Luana Bajrami”.
Congratulations 🥳 #raindance2021#winner #winners #awardwinner #raindancefilmfestival #raindance pic.twitter.com/8yp823HFTW— Raindance Film Fest (@Raindance) November 5, 2021
“Luaneshat e Kodrës”, pati premieren në festivalin e Kanës, dhe ka fituar edhe disa çmime të tjera të rëndësishme.
Në rolet kryesore janë aktorët: Flaka Latifi, Uratë Shabani, Era Balaj, Andi Bajgora dhe Luàna Bajrami.
Filmi “Luaneshat e Kodrës” është bashkëprodhim i Kosovës me Francën, me producente Valbona Rrahmanin dhe bashkëproducent, Pascal Judelewicz.