I dërguari i posaçëm i BE-së për dialogun Kosovë-Serbi, Miroslav Lajçak,ka njoftuar se ka mbaruar takimet mes tij dhe dy kryenegociatorëve të Kosovës e Serbisë, Besnik Bislimi dhe Petar Petkoviq.
Ai në Twitter ka shkruar se nuk është arritur një marrëveshje për targat, mirëpo sipas tij është bërë përparim në energjinë.
“Sapo përfunduan takimet e sotme të kryenegociatorëve në Bruksel. Rezultatet janë të përziera. Fatkeqësisht, nuk u arrit asnjë marrëveshje për targat, por ne kemi bërë përparim në dosjet e tjera duke përfshirë energjinë. Puna do të vazhdojë”, shkruan ai.
Just finished today’s meetings of Chief Negotiators in Brussels. Results are mixed. Regrettably, no agreement was reached on licence plates, however we made progress on other files including energy. The work will continue. pic.twitter.com/UT6GAyrzND
— Miroslav Lajčák (@MiroslavLajcak) May 13, 2022
Në Bruksel, të premten është paraparë të diskutohej për targat, të pagjeturit dhe për energjinë. Takimet është paraparë të shfrytëzoheshin edhe për t’i hapur rrugë takimit në nivel të lartë në dialog.