Kompania “Electronic Arts” ka vendosur që të mos prodhojë më videolojërat FIFA.
Kjo do të jetë hera e parë që nga viti 1993, që EA Sports dhe FIFA nuk do të jenë bashkë për të prodhuar videolojëra futbolli.
Edhe pse është një nga videolojërat më fitimprurëse në histori, kostoja e blerjes së licencës ka qenë një nga arsyet që e ka mbyllur bashkëpunimin mes EA dhe FIFA.
EA ka sqaruar se do të vijojë të prodhojë videolojërat e futbollit, por që nga viti 2023 do t’i sjellë ato me emrin EA Sports FC.
Zëvendëspresidenti i EA Sports, David Jackson, është shprehur se kompania mendon se ka ardhur koha për të ndërtuar një “markë që shikon nga e ardhmja”.