Presidenti i Shqipërisë, Ilir Meta, më datë 18. 05.2022 ka dekoruar me urdhrin “Nënë Tereza” gjinekologun e njohur nga Presheva, Dërgut Aliu për kontributin e dhënë gjatë luftës së fundit në Kosovë, kryesisht në zonën e Llapit.
“Për kontributin e shquar si mjek, në ndihmën e dhënë për qytetarët e Kosovës gjatë luftës së viteve 1998 – 99,sidomos në zonën e Llapit. Me mirënjohje për ndihmën e pakursyer si humanist në promovimin dhe zhvillimin e Luginës së Preshevës, si dhe forcimin e lidhjeve profesionale, kulturore dhe në çdo fushë tjetër, mes Shqipërisë dhe Kosovës”, thuhet në dekoratë.
Aliu është një nga gjinekologët më të njohur në Kosovë e Shqipëri, për trajtimin e shumë patologjive gjinekologjike.
Dr. Dërgut Aliu,është edhe drejtor i Spitalit Lindja në Prishtinë. Përveç gjinekologjisë me obstetrikë, ofrohen edhe shërbime për pediatri, urologji, si dhe laborator.