Kremlini fajësoi sot Ukrainën për ngrirjen e bisedimeve për paqen midis vendeve. Kjo për shkak se Kievi kishte bërë deklarata kontradiktore duke mos ditur as vetë se çfarë donte.
Zëdhënësi i Kremlinit Dmitry Peskov tha në një telefonatë për gazetarët:
“Udhëheqja ukrainase vazhdimish bën deklarat kontardiktore. Kjo nuk na lejon as ne të kuptojmë plotësisht se çfarë dëshiron pala ukrainase,“ tha ai.
Ndërkohë presidenti Zelensky tha se Ukraina nuk është “e etur” të bisedojë me homologun e tij rus Vladimir Putin, por gjithsesi një gjë e tillë duhet bërë.
Bisedimet e fundit të paqes, ballë për ballë janë mbajtur më 29 mars. Kontaktet kanë vazhduar nga distanca për disa kohë, por të dyja palët tani thonë se ato janë ndalur.