Kryeministri i Malit të Zi, Dritan Abazoviq, sot ka zhvilluar një bisedë telefonike me presidentin e Ukrainës, Volodymyr Zelensky.
Ky i fundit, sipas njoftimit të qeverisë malazeze në Twitter, i ka dërguar ftesë kryeministrit Abazoviq për të vizituar “sa më shpejt” kryeqytetin ukrainas, Kiev.
Sipas njoftimit, Abazoviq tha se shpreson që Ukraina të marrë statusin e kandidatit për anëtarësim në BE dhe tha se do t’i ndihmojë Malit të Zi për procesin e anëtarësimit.
Had a conversation with Prime Minister of Montenegro @DritanAbazovic about the progress of our countries on the way to the #EU. I am grateful for the full support for 🇺🇦 both in this matter & in the issue of sanctions. We’ve set plans for future bilateral & regional cooperation.
— Володимир Зеленський (@ZelenskyyUa) June 9, 2022
“Shpresojmë që ajo të marrë statusin e kandidatit për anëtarësim në BE dhe si lidere në procesin e negociatave është e gatshme të ofrojë ndihmën e nevojshme eksperte dhe politike”.
Me deklaratë për bisedën doli edhe Zelensky, i cili edhe e falënderoi vendin ballkanik që po i qëndron në krah Ukrainës në këtë kohë lufte.
“Pata një bisedë me kryeministrin e Malit të Zi, Dritan Abazoviq rreth progresit të vendeve tona drejt rrugës për në BE. I jam mirënjohës për mbështetjen e plotë për Ukrainën në të dyja çështjet, këtë [për integrimin në BE] dhe atë sanksioneve. Ne bëmë plane për bashkëpunimin e ardhshëm bilateral dhe rajonal”, ka shkruar Zelensky.