Gruaja që u shpall Miss ka vdekur në moshën 27-vjeçare pasi pësoi një hemorragji në tru dhe një atak në zemër pas një operacioni rutinë për heqjen e bajameve.
Gleycy Correia, e cila u kurorëzua Miss Brazili i Kontinenteve të Bashkuara në vitin 2018, vdiq të hënën në një spital në qytetin brazilian të Macaé më shumë se dy muaj pas procedurës së thjeshtë. Trupi i saj është dërguar në mjekësinë lokale për autopsi.
“Ajo kishte një operacion për të hequr bajamet e saj [në fund të marsit] dhe pas pesë ditësh në shtëpi, ajo pati një hemorragji,” tha për Mirror prifti i familjes së Correia, Lidiane Alves Oliveira. “Ajo shkoi në [spitalin lokal] Unimed dhe pati një arrest kardiak më 4 prill,” vazhdoi ai.
“Që atëherë ajo ishte në gjendje kome, pa asnjë aktivitet neurologjik dhe sot ndërroi jetë”, tha prifti me dhimbje.
Abreu deklaroi se prindërit e mbretëreshës së bukurisë besojnë se ka pasur gabim mjekësor gjatë operacionit rutinë të heqjes së bajameve.
