Vetura e djalit të kryetarit të komunës së Fushë Kosovës, Burim Berisha është gjetur nga Policia dy ditës pasi ishte raportuar e vjedhur.
Policia ka njoftuar se i dyshuari për vjedhjen e veturës është arrestuar dhe me vendim të prokurorit dërguar në mbajtje.
Ndërkaq vetura i është kthyer pronarit, Guri Berishës.
“Fsh. Sllatine e Madhe, Fushë Kosovë, 07.11.2021 – 19:10. Në lidhje me rastin, është raportuar se është identifikuar vendndodhja e veturës e cila ishte lajmëruar e vjedhur dhe me vendim të prokurorit automjeti është sekuestruar. Me vendim të prokurorit, i dyshuari është dërguar në mbajtje, ndërsa vetura i është kthyer pronarit”, njofton Policia.