Kandidati i Lëvizjes Vetëvendosje për kryetar të Prishtinës, Arben Vitia, ka pranuar humbjen në Prishtinë.
Ai ka thënë se kryetar i ri i Prishtinës, është Përparim Rama, kundër-kandidati i tij nga Lidhja Demokratike e Kosovës.
“Sipas rezultateve që kemi pranuar nga Komisioni Qendror i Zgjedhjeve, Prishtina tashmë ka një kryetar të ri dhe ai është Përparim Rama”, tha Vitia, i cili deklaroi se ai personalisht dhe Lëvizja Vetëvendosje do t’i qëndrojnë përkrah kryetarit të ri të kryeqytetit.
Vitia u dorëhoq nga pozita e ministrit të Shëndetësisë muajin e kaluar, për të kandiduar për kryetar të Komunës së Prishtinës.