Komisioni Qendror i Zgjedhjeve ka shpallur të dielën mbrëma rezultatet preliminare të rrethit të dytë të zgjedhjeve lokale.
Sipas këtyre rezultateve janë LDK dhe PDK që kanë fituar nga pesë komuna. LDK ka fituar: Prishtinën, Fushë Kosovën, Vitinë, Istogun dhe Junikun. PDK ka fituar: Prizrenin, Dragashin, Drenasin, Vushtrrinë dhe Kaçanikun.
Derisa Lëvizja Vetëvendosje ka fituar katër komuna në rrethin e balotazhit: Gjilanin, Kamenicën, Podujevën dhe Shtimen.
AAK në këtë raund ka fituar: Gjakovën, Rahovecin dhe Klinën. Nisma e ka mbajtur Malishevën, kurse Obliqin e ka fituar Xhafer Gashi me Iniciativën Qytetare për Obiliqin.