11 vetura dhe një kamion i bashkisë së Athinës janë djegur në lagjen Patisia të Athinës.
Sipas shërbimit zjarrfikës,fillimisht ka qenë kamioni i bashkisë që u përfshi prej flakëve dhe në vazhdim flakët e zjarrit u përhapën brenda pak minutave edhe tek automjetet e parkuara.
Ndërhyrja e zjarrfikësve edhe pse ishte e shpejtë, nuk ishte efikase.
Banorët e zonës dolën për të ndihmuar në fikjen e flakëve, por ishte e pamundur të fikej derisa 11 veturat u shkatërruan tërësisht.
Autoritetet po kryejnë hetime lidhur me ngjarjen.