Kryetari i Aleancës për Ardhmërinë e Kosovës, Ramush Haradinaj ka thënë se largimi nga politika e Shteteve të Bashkuara të Amerikës dhe Marrëveshja Ekonomike e Washington-it, kanë ndodhur shkaku i qeverisjes së kryeministrit Kurti.
Haradinaj, përmes një statusi në llogarinë e tij zyrtare në Facebook, ka renditur disa pika, që sipas tij, sqarojnë arsyet se pse vendi ynë ndodhet larg Amerikës, të cilës i njejti i refrohet si ”aleati ynë strategjik”
”Sa larg aleatit tonë strategjik, Shteteve të Bashkuara të Amerikës, ndodhet vendi ynë për shkak të politikave të Kryeministrit Kurti dhe çfarë kahje ka marrë?
– Largimi nga politikat e SHBA dhe Marrëveshja Ekonomike e ëashingtonit
– Largimi nga politikat e SHBA, gazi dhe energjia e pastër
– Largimi nga politikat e SHBA dhe kalimi në dialogun e dështuar të BE-së
– Largimi nga politikat e SHBA mbi ushtrinë profesioniste dhe kalimi në modelet ruse të ushtrisë së detyrueshme
– Largimi nga politikat e SHBA dhe ndryshimi i qasjes nga diplomaci liberale në diplomaci izoluese dhe dështuese
– Largimi nga politikat e SHBA për depolitizim të sistemit të shërbimit civil drejt qasjes totalitare të politizimit të tërë sistemit
– Largimi nga politikat e SHBA dhe kalimi nga tregu i lirë në tregun e kontrolluar nga sistemi politik dhe rritja e inflacionit”, ka shkruar kryetari i Aleancës për Ardhmërinë e Kosovës.