Paneli Zgjedhor për Ankesa dhe Parashtresa ka hedhur poshtë një tjetër ankesë të Bekim Jasharit, kandidatit për kryetar të Skenderajt në zgjedhjet lokale të 17 tetorit.
Në një vendim të nxjerrë sot, PZAP-ja refuzoi ankesën e Jasharit për hapje të kutive dhe rinumërim të dy vendovtimeve, mbi pretendimet për parregullsi gjatë procesit të votimit.
“Refuzohet e pabazuar pjesa e apelit e datës 29.10.2021, e parashtruar nga Lista e Pavarur – Bekim Jashari me seli në Skenderaj, me të cilën ka kërkuar që të hapen kutitë e votimit dhe të rinumërohet vendvotimet 2122b/01D dhe 2101X/01R, si shkak i parregullsive gjatë procesit të votimit për zgjedhjet lokale të mbajtura më 17/10/2021”, thuhet në vendimin e PZAP-së.