Ish-basketbollisti i KB Prishtinës dhe Kosovës, Granit Rugova ka njoftuar se do të garojë për pozitën e asamblistit të Kuvendit Komunal të Prishtinës, si kandidat nga Partia Demokratike e Kosovës.
Rugova nëpërmjet një postimi në Facebook, ka shkruar se kësaj gare po i hyn me besimin dhe bindjen e plotë se energjia dhe idetë të cilat Urani do t’i jetësojë gjatë mandatit të ardhshëm si udhëheqës i Prishtinës.
“Përmes këtij postimi dua t’ju informoj se në zgjedhjet e ardhshme komunale kam vendosur të kandidoj për pozitën e asamblistit të Kuvendit Komunal të Prishtinës, si kandidat nga tabori i Partisë Demokratike të Kosovës dhe përkrahës i vizionit të Uran Ismailit për kryeqytetin. Kësaj gare po i hyj me besimin dhe bindjen e plotë se energjia dhe idetë të cilat Urani do t’i jetësojë gjatë mandatit të ardhshëm si udhëheqës i Prishtinës do të reformojnë në përgjithësi jetesën në qytetin tonë të zemrës”, ka shkruar Rugova.