Brazili ka fituar me rezultat 2:0 sot ndaj Serbisë.
Dy golat e Richarlison fundosën serbët, të cilët e nisin me humbje Kampionatin Botëror.
Por, këtë humbje nuk e pranuan mirë mediat serbe.
Mediumet në Serbi shkruajtën se ata mposhtën Neymarin, teksa akuzuan referin për vendimet e tij.
“Iraniani (referi) është i turpshëm, i turpshëm dhe i turpshëm. A ka mundësi të lëpijë kaq shumë yjet e Brazilit?” shkruan Kurir, i cili nuk ndalet me kaq: “Ne mundëm Neymar. Një nga yjet më të mëdhenj të futbollit kaloi në duart e lojtarëve tanë! Një numër i madh faullesh ndaj tij”.
Titulli i Telegrafit serb thotë “Serbia hesht dhe shikon, Brazili dominon”, dhe pranë tij shkruan: “Zoti i drejtësisë gjëmonte në Katar, të gjithë Shqiponjat kënduan në unison”.
B92 shkruan: Gjyqtar ku e ke bilbilin? Në të njëjtën kohë, ai vë në pah mjeshtërinë e Richarlison dhe faktin se Brazili është ende favoriti më i madh i Botërorit, i cili pësoi humbjen e fundit një vit e gjysmë më parë.