Një burrë me inicialet I.G., 70-vjeçar, dyshohet se ka vrarë bashkëshorten e tij, 63-vjeçare, të premten në mëngjes në Prishtinë.
Dyshimet e para janë se krimi ka ndodhur brenda familjes, ku një person ka privuar nga jeta gruan e tij.
Policia ka konfirmuar rastin, raporton Paparaci.
“Sot rreth orës 04:40 kemi pranuar informatën për një trup të pa jetë në një shtëpi në rrugën Mark Isaku në Prishtinë”, ka konfirmuar Policia e Kosovës.
I dyshuari është vetdorëzuar në Stacionin Policor në Prishtinë dhe është dërguar në mbajtje, ka bërë të ditur një zëdhënëse e Policisë së Kosovës.
“Lidhur me rastin është vetëdorzuar një person i dyshuar: I. G, mashkull 70 vjeç”, ka thënë policia.
Organet e rendit kanë thënë se tani ekipet e policisë ndodhen në vendin e ngjarjes.
“Personi i dyshuar me urdhër të prokurorit të shtetit, është intervistuar dhe i njëjti është dërguar në qendrën e ndalimit, ndërkohë që trupi i pajetë i viktimës, femër 63 vjeç, është dërguar në Institutin e Mjekësisë Ligjore për obduksion”, tha policia.