Arben Berisha, komentator i sportit në Radio Televizionin e Kosovës, ka refuzuar t’ua përmend emrat futbollistëve serbë gjatë komentimit të ndeshjes, Kamerun-Serbi.
Radio Televizioni i Kosovës ka të drejtat ekskluzive për transmetimin e ndeshjeve të Kampionatit Botëror në Kosovë, ndërsa sot komentatori Berisha ka refuzuar të komentojë aksionet e ekipit serb.
Kameruni dhe Serbia kanë zhvilluar ndeshjen e radhës në kuadër të xhiros së dytë në Kampionatin Botëror, ku ndeshja ka përfunduar me rezultat të barabartë.
Serbia ka shënuar tre gola, po aq sa edhe Kameruni, mirëpo për dallim nga komentimi i golave të Kamerunit, komentatori Berisha nuk ka komentuar detajisht edhe golat e Serbisë.
Gjatë tërë ndeshjes, e sidomos në repartin defanziv, Berisha nuk ka komentuar emrat e futbollistëve serb, por ka vendosur ta komentojë në përgjithësi ndeshjen.
Kameruni e Serbia ndodhen në Grupin G, ku deri më tani kanë vetëm nga një pikë, për dallim nga Zvicra e Brazili që kanë nga tre sosh.