Ish-selektori i Kosovës, Albert Bunjaki është zyrtarizuar si trajner i ekipit suedez Karlstad BK.
Bunjaki që së fundmi ishte selektor i përkohshëm i Kosovës U21, karrierën e tij tashmë do ta vazhdojë në Suedi.
Ai ka nënshkruar kontratë afatgjate dhe në periudhë dhjetë vjeçare synon të fitoj kampionatin elitar suedez.
Karlstad BK aktualisht garon në Divizionin 1 – Norrda, ose ligën e tretë.
Përpos Bunajkit, Karlstad BK ka zyrtarizuar edhe drejtorin e ri sportiv, e që është Sven-Goran Eriksson. Në të kaluarën ai ishte trajner i ekipeve të mëdha evropiane Roma, Fiorentina, Lazio, Manchester City e disa të tjera, si dhe i kombëtares Angleze dhe asaj Meksikane.
Bunjaki ka qenë trajner te Kosova A nga viti 2009 deri më 2017.