Sulmuesi i Anglisë, Raheem Sterling është i gatshëm të rikthehet në Katar për Kupën e Botës.
Anësori i Chelseat mund të kthehet në Katar sot për t’u bashkuar me skuadrën, e cila po përgatitet për ndeshjen çerekfinale të së shtunës me kampionët e botës, Francën.
27 vjeçari, u tërhoq nga skuadra përpara fitores 3-0 ndaj Senegalit pas një vjedhjeje në shtëpinë e tij në Surrey.
Ai ka pritur për disa garanci përfundimtare mbi sigurinë për familjen e tij përpara se të marrë një fluturim për në Doha.
Policia e Surrey-t konfirmoi se ora dhe stoli me vlerë 300,000 paund u morën gjatë fundjavës.
Largimi i Sterling ishte një tronditje e madhe për lojtarët, pas largimit të Ben White për arsye personale.
Edhe nëse rikthehet Sterling, me shumë mundësi do të jetë zëvendësues kundër Francës.