Të fundit

Ronaldo kërcënoi se do të largohej nga Kombëtarja e Portugalisë

Cristiano Ronaldo ishte gati të largohej nga skuadra e Portugalisë në Kupën e Botës pasi mësoi se ishte lënë jashtë skuadrës startuese në ndeshjen kundër Zvicrës.

Gazeta portugeze, “Record” pretendon se sulmuesi legjendar ka dashur të paketojë valixhet dhe të largohet nga Botërori pasi ka biseduar me trajnerin Santos dhe ka mësuar se nuk do të ishte titullar në ndeshjen e 1/16-tës.

Ronaldo nuk u kënaq as me zëvendësimin në ndeshjen ndaj Koresë së Jugut, ku u largua nga fusha duke sharë, ndonëse më vonë kampi i Portugalisë u justifikua se fjalët e ashpra iu drejtuan një lojtari korean.

Pesë herë fituesi i Topit të Artë ishte dukshëm i pakënaqur në pankinë kundër Zvicrës dhe pas ndeshjes u largua nga skuadra dhe në vend që të festonte me shokët e tij dhe tifozët e Portugalisë kalimin në çerekfinale të Botërorit të Katarit, ai u largua i pari nga fusha dhe shkoi fillimisht në dhomat e zhveshjes.

Pas ndeshjes, Ronaldo pati një takim me Santos dhe e bëri të qartë se nuk ishte i kënaqur me vendimin e tij për të mos luajtur, duke kërcënuar se do të paketonte valixhet dhe do të largohej nga Katari.

Megjithatë, ai shpejt “erdhi në vete” dhe kuptoi rëndësinë dhe urgjencën e mbajtjes së gjërave të qëndrueshme në kampin portugez dhe shpejt ndryshoi mendje, raporton Record, transmeton Paparaci.

Kundër Zvicrës, Ronaldo i dha fund serisë prej 31 ndeshjesh si titullar në turnetë e mëdha dhe me lëvizjet e tij të fundit vazhdoi t’u jepte arsye kritikëve që nuk e kanë kursyer së fundmi.

Pas arbitraritetit dhe disa lëvizjeve të pakuptueshme, ai së fundmi është shkëputur nga kontrata me Manchester United.

Portugalia do të luajë në çerekfinale të Kupës së Botës në Katar kundër Marokut, i cili arriti ta eliminonte Spanjën pas penalltive.

Video nga Paradoks

"E di përdorimin e shpatave": Jo veç Tai Chi e Përparim Ramës, Ramush Haradinaj flet për arte të tjera marciale që ai i di - "Yoseikan Budo, Viet Vo Dao"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci