Janë pezulluar nga puna katër zyrtarë të Institutit të Mjekësisë Ligjore pas informacionit se janë zhdukur mostrat e Astrit Deharit, ka bërë të ditur të enjten Ministria e Drejtësisë,
Sipas njoftimit, pezullimi është bërë me vendim të Komisionit Disiplinor të Institutit për Mjekësi Ligjore.
Emrat e të pezulluarve janë bërë të ditur edhe nga vet Ministrja e Drejtësisë, Albulena Haxhiu.
Të pëzulluarit, sipas kësaj ministrie janë Nardi Sheqergjiu, Toksikolog Mjekoligjor në Institutin për Mjekësi Ligjore, Flutura Goga, Udhëheqëse e Laboratorit të Toksikologjisë, Anila Lakna, Teknike e Laboratorit të Toksikologjisë, si dhe Ilirjana Shala, Kimiste.