Portieri i kombëtares argjentinase, Emiliano Martinez, fitoi popullaritet të madh pas pritjeve të tij në Botërorin e Katarit, ku fitoi kampionatin botëror me Argjentinën, por gjithashtu mori vëmendje për gjeste jo-sportive jashtë fushës së lojës.
Portieri i Aston Villa u kritikua veçanërisht për një gjest të papërshtatshëm pas marrjes së çmimit Portieri më i Mirë në Kupën e Botës.
Menjëherë pas këtij veprimi, ai bëri thirrje për ‘një minut heshtje për Kylian Mbappe’ në dhomat e zhveshjes.
Një nga ata që nuk i ka pëlqyer kjo sjellje është Adil Rami, ish-lojtari i kombëtares franceze, i cili fitoi titullin kampion bote në Rusi në vitin 2018.
Ai e ka quajtur Martinezin ‘njeriun më të urryer’ në botën e futbollit.
“M*** më i madh në botën e futbollit! Njeriu më i urryer, djal i një ku**”, ka shkruar Rami krahas një fotoje të Martinezit që ka shpërndarë në Instagram.
Krahas kësaj fotoje, Rami shprehu edhe mospajtimin e tij me vendimin e FIFA-s për t’ia dhënë argjentinasit çmimin e portierit më të mirë.