Mozzik ka parlajmëruar lansimin e këngës së parë të albumit më të fundit të tij.
Kënga do të publikohet me video-klip, ka bërë të ditur reperi përmes një njoftimi për fansat.
Njoftimin ai e bëri përmes rrjetit social Instagram, nga ku i dha bujë albumit që pritet ta publikojë.
Kënga e realizuar me videoklip do të publikohet në orët e fundit të ditës së enjte.
Mozzik, nderkaq ka pasur “përplasje” me Noizyn në postimet e tyre në “story” ditën e djeshme. Gjithçka ka nisur pas paralajmërimeve të të dy artistëve për këngë të reja.
Por, nuk përjashtohet mundësia që kjo të jetë forma atipike e paralajmërimit të një bashkëpunimi të dyshes me njëri-tjetrin.
“Planin” e ka dekonspiruar Rvchet, producenti i OTR që mes tjerash në story komunikimin e ka interpretuar si bashkëpunim, postim i cili më pas është fshirë shpejt nga story.