Ka përfunduar ndeshja tejet interesante mes skuadrës së Wolverhampton dhe asaj të Liverpoolit, ku ky i fundit ka siguruar biletën tutje drejt raundit të katërt të FA Cup.
Pas plot 90’ minutave lojë në stadiumin “Molineux”, Liverpooli e ka mposhtur me rezultat minimal 1:0 skuadrën e Wolverhampton.
Goli fantastik i Harvey Elliott ishte i mjaftueshëm për skuadrën e Jurgen Klopp që të vazhdojnë tutje në raundin e katërt të kësaj gare, për të katërtin sezon me radhë.
Elliott shënoi në minutën e 13’ për 1:0, gol ky i cili rezultoi të ishte i fundit i ndeshjes së sotme, dhe vendimtari për të përcaktuar kualifikuesin.
Po ashtu, për Liverpoolin kjo ishte fitorja e parë në vitin 2023.
Tani, në raundin e katërt “Të Kuqtë” e Jurgen Klopp do të përballen me skuadrën e Brightonit.