Autobusi i tragjedisë së trefishtë që tronditi mbrëmë Gllogjanin, ende gjendet në vendin e ngjarjes, një ditë pas sulmit.
Ndërkaq, ky autobus ende po ruhet nga Policia e Kosovës. Është raportuar që deri më tani në vendin e ngjarjes ka patrulluar Njësia Speciale e Kosovës, kurse vendi i krimit është rrethuar me shirita.
Për rastin e vrasjes së trefishtë, ministri i Punëve të Brendshme, Xhelal Sveçla ka deklaruar se kanë marrë informacione të ndryshme.
Aktualisht janë duke u bërë ekzaminimet dhe pastrimi i terrenit.
Të vdekur në Gllogjan të Deçanit kanë mbetur shoferi i autobusit dhe dy nxënës.
Një nxënës tjetër, 17 vjeçar, është plagosur dhe po trajtohet në Spitalin e Pejës.
Drejtori i Policisë, Samedin Mehmeti gjatë ditës ka bërë të ditur se dyshimet fillestare janë se ky sulm është kryer nga një person, por që mund të ketë ndërlidhje të shumë personave tjerë.