Kryeministri i Maqedonisë së Veriut, Zoran Zaev, ka reaguar pas tragjedisë së trefishtë që ndodhi mbrëmë në Gllogjan të Deçanit.
Zaev në Facebook ka shkruar se nuk gjen fjalë ngushëllimi për familjarët e viktimave.
“Në emrin tim dhe në emër të Qeverisë së Maqedonisë së Veriut, shpreh keqardhje për tragjedinë e tmerrshme që ndodhi në Kosovë. Nuk ka fjalë ngushëllimi për prindërit e fëmijëve që tragjikisht humbën jetën, e as për të gjithë qytetarët e Kosovës që po vajtojnë për jetët e humbura”, ka shkruar Zaev në rrjetin social Facebook.