Ministri i Punëve të Jashtme të Kroacisë, Gordan Grliq Radman ka kontaktuar dje homologun e tij serb, Ivica Daçiq, sapo ka marrë vesh për rastin e deputetit kroat Marijan Pavliçek, të cilit i është ndaluar hyrja në Serbi.
Kryediplomati kroat ka shprehur pakënaqësinë e tij për trajtimin e shtetasve kroatë, të cilëve u është ndaluar hyrja në Republikën e Serbisë.
Po ashtu, nota e protestës i është përcjellë edhe ambasadorit të Republikës së Serbisë në Zagreb, i cili është dtuar në Ministrinë e Punëve të Jashtme kroate mëngjesin e sotëm.
“Dje, sapo ka marrë vesh rastin e lartpërmendur, ministri Grliq Radman ka kontaktuar kolegun e tij Ivica Daçiq dhe ka shprehur pakënaqësinë e tij për trajtimin e qytetarëve kroatë, të cilëve u është ndaluar dhe penguar hyrja në Republikën e Serbisë”, tha Ministria e Punëve të Jashtme të Kroacisë në një komunikatë për media.