Pas 31 vitesh, arkeologët kanë bërë një zbulim të madh se çfarë ishte saktësisht një objekt prej druri që u gjet në Britani në vitin 1992.
Siç besojnë tani arkeologët, objekti, “mosha” e të cilit është vlerësuar në 2000 vjet, nuk është një mjet siç e kishin paralajmëruar 31 vjet më parë, por… një vibrator.
Në veçanti, arkeologët arritën në përfundimin se ky është i vetmi vibrator prej druri i njohur dhe me madhësi reale nga koha e Perandorisë Romake .
Objekti prej druri 16 cm i gjatë u zbulua në një gropë në fortesën romake të Vidolanda në Northumberland në vitin 1992.
“Më duhet të pranoj se një pjesë e imja mendon se është e qartë se është një vibrator. Nuk e di se kush e ka renditur në katalogët zyrtarë si mjet. Mund të ketë qenë dikush që nuk ndihej rehat me përfshirjen e një vibratori ose që mendonte se romakët nuk e bënin atë lloj gjëje”, tha pedagogu i Arkeologjisë në Universitetin e Newcastle, Rob Collins .
Megjithatë, vlerësimi që ekziston është se ky vibrator ishte më i gjatë se 16 centimetrat që u zbuluan pasi gjetjet arkeologjike të bëra prej druri zakonisht i nënshtrohen tkurrjes dhe shtrembërimit.