Pamjet e para të skicave të iPhone 14 kanë filluar të qarkullojnë nëpër internet. Prezantimi i modelit të tij do ende kohë, por adhuruesit e Apple mund ta shohin pamjen e parë.
Ky telefon do të jetë i punuar i gjithi prej xhami dhe do të jetë i përthyer në cepa duke i dhënë një formë të njëtrajtshme nga të gjitha anët.
Ajo çfarë e bën të veçantë këtë model të ri është se do të jetë si një ekran i vetëm, dhe në të njëjtën kohë mund të prekni çdo cep të telefonit dhe ta përdorni atë për disa funksione.
Firma ka paraqitur patenta të shumta për ekranet me mbështjellës xhami dhe duket se po punon gradualisht drejt një versioni për t’u lëshuar në publik. Apple pritet të lëshojë iPhone 14 shtatorin e ardhshëm.