Pasi arriti ta mposhti Prishtinën xhiron e kaluar, skuadra e Ferizajit ka arritur të marrë edhe tre pikë tjera përball nënkampionit aktual, Dritës.
Ferizaji ka shënuar fitore me rezultat, 2:1, me skuadrën e Dritës, në ndeshjen e zhvilluar në kuadër të xhiros së 22-të të Superligës së Kosovës.
Fillimisht Drita kaloi në epërsi në minutën e 53-të të ndeshjes. Kastriot Selmani shënoi për gjilanasit, por Ferizaji u kundërpërgjigj pas katër minutave.
Ergon Hyseni barazoi rezultatin për 1:1, kurse golin e fitores e shënoi Betim Haxhimusa në minutën e 85-të të ndeshjes.
Pas kësaj fitoreje Ferizaji ka arritur kuotën e 21 pikëve duke lënë në vendin e fundit Drenicën që u mposht nga Malisheva.