Klubi i futbollit anglez, Chelsea ka njoftuar se qendërmbrojtësi i tyre, Thiago Silva do të mungojë deri në gjashtë javë.
Kjo për shkak të dëmtimit të ligamenteve në gjurin e tij, që janë konfirmuar pas kontrollave nga mjekët.
Silva u dëmtua në sfidën ndaj Tottenham Hotspur këtë fundjavë dhe u detyrua të largohet nga loja në minutën e 19.
Chelsea u mposht nga Tottenhami me rezultat 2:0. Momentalisht “Blutë e Londrës” renditen në pozitën e dhjetë në tabelën e Premier Ligës.