Nga xhiroja e ardhshme tifo-grupet kosovare do të jenë prezentë në palestra, pasi Federata e Basketbollit e Kosovës ka marrë vendim të largojë pikat ku ishte ndaluar pjesëmarrja e organizuar e tifo-grupeve në ndeshjet e basketbollit.
Pas skenave të dhunës në finale të Superkupës, FBK-ja kishte vendosur të ndalonte pjesëmarrjen e organizuar të tifo-grupeve.
Ky vendim i FBK-së kishte shkaktuar probleme në ndërprerjen e ndeshjeve pothuajse në çdo xhiro, mirëpo bordi i FBK-së sot ka vendosur të largojë këtë pikë.
“Bordi i Federatës së Basketbollit të Kosovës, ka marrë vendim që nga ‘Vendimet e Bordit të FBK-së të datës 15.12.2022’ të largohet pika në vijim:
Të ndalohet pjesëmarrja në mënyrë të organizuar dhe me çfarëdo shenje dalluese e të gjitha grupeve të tifozëve në ndeshjet e basketbollit, të cilat organizohen nga Federata e Basketbollit të Kosovës, deri në një njoftim tjetër”, thuhet në njoftimin e FBK-së.
Klikoni KËTU për t’u bërë pjesë e kanalit zyrtar të Paparacit në Viber.
Subscribe në kanalin zyrtar të Paparacit - Kliko KËTU