Kontejnerë të shumtë në kryeqytetin e Kosovës në Prishtinë deri mbrëmjen e së martës ishin të mbuluar nga mbeturinat.
Kjo për faktin se punëtorët e kompanisë Rajonale të Mbeturinave “Pastrimi” të hënën dhe të martën ishin në grevë me kërkesë për rritje pagash.
Në këtë kompani, pagat e punonjësve fizikë janë 330 euro, kurse kërkesa e tyre është që kjo vlerë të arrijë 400 euro.
Një ditë grevë e punëtorëve të kompanisë rajonale “Pastrimi” ka bërë që Prishtina të mbushet bërllok.
Të hënën, punëtorët e “Pastrimit” protestuan në kërkim të kushteve më të mira të punës e rritje pagash.
Si shenjë proteste ata nuk dolën të mbledhin mbeturinat.
Megjithatë, pasditën e së martës, punëtorët e pastrimit janë parë duke pastruar disa nga kontejnerët në kryeqytet.