Shkruan: Arben Ratkoceri
Realisht – Kosova, Bosnja, Mali i Zi dhe Maqedonia deri-diku do të jenë Asociacione brenda projektit politik serb “Bota Serbe”. Atë që nuk e arriti me luftë, Serbia është afër t’ia arrij me politikë të zgjuar e përkrahje të një pjese të ndërkombëtarëve.
Bosnjën e kotrollon përmes Republika Srpskës, Malin e Zi e ktheu përmes kishës, e Dritan Abazoviqin e nga dje edhe nga favorit pro-serb për president.
Kosovën veç më e ka lidhë përmes veriut, kishës, komunave serbe si “ishuj” në jug dhe të drejtën serbe të vetos së limituar në Parlament.
Edhe Maqedoninë “nuk e ka larg”, sepse shoqëria maqedonase bashkë me “shtetin e fuqishëm të thellë” është me dominancë apsolute pro-serbe dhe ekstremisht antishqiptare e antibullgare, ndërsa politika zyrtare është më e kujdesshme shkaku i relevancës të faktorit politikë shqiptarë.
Politika serbe ofensiven e filloi pas largimit nga skena politike të liderëve rajonal, prej të cilëve e kishte të pamundur të vinte këtu ku është sot, duke filluar nga të ndjerët Franjo Tuxhman, Alija Izetbegoviç, pastaj Hashim Thaçi, Lubço Georgievski, si dhe “bedeni” i fundit – Millo Gjukanoviç, të cilit që nga dje po i duket fundi!