Deputetja e Lidhjes Demokratike të Kosovës, Valentina Bunjaku-Rexhepi i ka reaguar qeverisë së Kosovës pas publikimit të raportit të Departamentit Amerikan të Shtetit për Kosovën ku është përmendur edhe niveli i lartë i korrupsionit.
Deputetja Rexhepi ka thënë se DASH-i e ka kritikuar qeverinë për mungesë transparence, korrupsion dhe veçanërisht dhunë në familje e dhunë gjinore.
Sipas saj, qeveria duhet të marrë masa kundër mbylljes dhe i ka përmendur edhe skandalin e pretenduar të ambasadorit të Kosovës në Kroaci, Martin Berishaj për të cilin thotë se duhet të shkarkohet.
Ky është postimi i saj:
DASH kritikoi Qeverinë Kurti 2 për mungesë transparence, korrupsion dhe veçanërisht për dhunën në familje e dhunën gjinore.
Qeveria duhet urgjentisht të merr masa kundër mbylljes e të jetë transparente, të shkarkojë ambasadorin e dyshuar për korrupsion dhe të merr hapa konkretë për ta parandaluar dhe luftuar dhunën kundër grave. /Paparaci.com/