Policia e Kosovës ka raportuar se është arrestuar një postier, pasi dyshohet se në mënyrë të kundërligjshme, gjatë orarit të punës ka larguar një zarf.
Brenda tij kishte fotografi të rëndësishme, dhe ishte i vendosur në zyrën e postës.
Mbi bazën e këtyre veprimeve është krijuar dyshimi se i njëjti ka keqpërdorur pozitën apo autoritetin zyrtar.
Përveç të dyshuarit në konsultim me prokurorin është intervistuar edhe mbikëqyrësi i tij në cilësinë e dëshmitarit.
I dyshuari me vendim të prokurorit është dërguar në mbajtje dhe rasti është duke u hetuar.