Policia e Kosovës përmes një komunikate për media ka njoftuar se kanë parandaluar një rast të kontrabandimit në Viti dhe kanë arrestuar një të dyshuar.
Sot, njësitë policore Taskforcë nga Policia Kufitare kanë ndaluar një automjet transportues në Mjak të Vitisë, në të cilin ishin dy persona dhe është parë se drejtuesi i mjetit me iniciale I.M. 30 vjeç, kishte urdhërarrest të lëshuar nga gjykata.
Pas veprimeve të ndërmarra është kontrolluar edhe automjeti dhe janë konfiskuar 40 thasë me fara kungulli dhe 50 pako arra të qëruara që nuk posedonin dokumente.
Poashtu të dyshuarit kanë pranuar se malli është futur përmes rrugëve ilegale nga Maqedonia e Veriut.
Lidhur me rastin, me vendim të prokurorit, i dyshuari i cili kishte urdhërarrest i është dorëzuar stacionit policor përkatës për procedura të mëtejme.
Malli i konfiskuar i dorëzohet Doganës së Kosovës, ndërsa rasti procedohet në procedurë të rregullt.
