Ish-emisari i ShBA-së për dialogun Kosovë-Serbi, Richard Grenell, i është kundërpërgjigjur Sekretarit amerikan të Shtetit, Antony Blinken, i cili thoshte se e mirëpret pajtueshmërinë mes Kosovës dhe Serbisë për zbatimin e Marrëveshjes drejt normalizimit të raporteve.
Por sipas Grenellit, askush nuk e nënshkroi “marrëveshjen” e arritur në Ohër të Maqedonisë Veriore, të shtunën.
”Askush nuk e nënshkroi ”marrëveshjen”…..Seriozisht”, shkroi ai në Twitter, pas një replike me Blinkenin.
Blinken, kishte deklaruar se Shtetet e Bashkuara mirëpresin marrëveshjen e ndërmjetësuar nga BE-ja që Kosova dhe Serbia arritën në Ohër.
“Ne jemi krenarë që mbështesim marrëveshjen dhe mbetemi të përkushtuar për avancimin e integrimit evropian dhe euroatlantik”, kishte shkruar ai të dielën.
No one signed the “agreement”…..
Seriously. https://t.co/Z4NdxYPCDm
— Richard Grenell (@RichardGrenell) March 22, 2023