Ish-kryenegociatorja Edita Tahiri, ka reaguar pasi mbrëmv kryeministri Albin Kurti, e pranoi publikisht se Asociacioni i Komunave me Shumicë serbe, gjendet brenda planit evropian, transmeton Paparaci.
Ndër të tjera, teksa e shkroi një status në Facebook, Tahiri mendon se Kurti ka dështuar dhe mashtruar, pasi e pranoi Asociacionin.
“ERDHA, DËSHTOVA, MASHTROVA, PRANOVA -i atribuohet Kurtit pas pranimit publik te asociacionit”, u shpreh Tahiri.
Kurti mbrëmë në RTK ka thënë se bazuar në Marrëveshjen e Ohrit, të arritur të shtunën e kaluar, në nenin 10 gjendet edhe Asociacioni.
“Ka Asociacion, neni 10 thotë se të dy palët e konfirmojnë obligimin e tyre për të zbatuar marrëveshjet e kaluara që ngelen valide dhe të obligueshme. 39 marrëveshje janë prej 2 korrikut 2011 deri më 25 gusht 2015″, tha ai.