Më 24 janar, të këtij viti Arianit Jakupi, ishte shkarkuar nga pozita e kryetarit të Odës së Farmacistëve, shkarkim ky që ishte bërë me kërkesë të anëtarëve të Kuvendit të OFK-së.
Por, kaluan më shumë se dy muaj, ku Gjyqi i Nderit, kishte anuluar kërkesën e Kuvendit ë OFK-së duke anuluar mocionin për shkakrimin e Arianit Jakupit.
Edhe pas rikthimit të tij në pozitën e kryetarit të OFK-së, një pjesë e Kuvendit, nuk e dëshirojnë Jakupin në krye të OFK-së.
Siç mëson mediumi Paparaci, gjatë së shtunës një pjesë e Kuvendit të OFK-së kanë mbajtur një mbledhje të jashtëligjshme, për të anuluar vendimin e Gjyqit të Nderit, që kishte anuluar mocionin e shkarkimit të kryetarit të OFK-së Arianit Jakupi.
Megjithatë, kjo mbledhje nuk është mbajtur për shkak të mungesës së kourumit.
Ndryshimet që kanë filluar në sektorin farmaceutik kohëve të fundit kanë prekur interesat e disa grupeve të interesit që përfaqësohen në OFK.
Më 21, mars Gjyqi i Nderit Nderit, në kuadër të Odës së Farmacistëve të Kosovës, e ka konsideruar të jashtëligjshëm vendimin për mocionin e mosbesimit të kuvendit të kësaj ode për shkarkimin e kryetarit, Arianit Jakupi.
Arianit Jakupi ishte emëruar në këtë pozitë në vitin 2018, ndërsa më 11 qershor të vitit 2022 ishte rizgjedhur në këtë pozitë.