Prestigjiozja franceze, “L’Equipe” ka publikuar pagat marramendëse mujore të futbollistëve të kampionatit francez.
Futbollistët e gjigantit francez, Paris Saint-Germain prijnë me pagat më të mëdha në kampionatin francez, teksa listën e kryeson sulmuesi, Kylian Mbappe.
Sulmuesi francez është futbollisti më i paguar në Ligue 1 sipas publikimit të “L’Equipe”. Ai përfiton hiq më pak se 6 milionë euro bruto në muaj.
Në pozitën e dytë ndodhet bashkëpunëtori i tij në sulm të PSG-ja, Neymar. Sulmuesi brazilan ka një pagë mujore prej 3,675,000 euro bruto në muaj.
Ndërsa, në pozitën e tretë ndodhet shtatë herë fituesi i Topit të Artë, Lionel Messi. Sipas raportit, argjentinasi përfiton pagë prej 3,375,000 euro në muaj.
Marquinhos është futbollisti i katërt më i paguar ne ligë me 1,200,000 euro bruto në muaj para Verratit, Hakimit, Donnarummas, Ramos, Bernat e Mukiele.