Punonjësit sanitar në Paris filluan që nga dje të kthehen në punë, kështu duke ndërprerë edhe grevën.
Në pritje të ekipeve të pastrimit ishin grumbujt e mbeturinave që ishin grumbulluar gjatë grevës së tyre njëjavore që filloi më 6 mars, si dhe mbeturinat nga rrugët pas dhjetë protestavembarëkombëtare kundër reformës ndaj pensioneve, shkruan AP.
Grumbullimet e plehrave që arritën deri në 10,000 tonë përgjatë rrugëve të kryeqytetit francez – që përputhen me peshën e Kullës Eifel – janë bërë një simbol i mrekullueshëm vizual dhe nuhatës i kundërshtimit ndaj planit të Marcon për të rritur moshën e daljes në pension me dy vjet.
Punonjësit e kanalizimeve, të cilët kishin bllokuar tre impiante inceneratorësh dhe depo të kamionëve të plehrave, dalin në pension më herët se shumica e njerëzve, në moshën 57 vjeç për shkak të punëve të tyre të mundimshme, megjithëse shumë prej tyre punojnë më gjatë për të rritur pensionin.
Plani i ri do të shtyjë moshën e tyre të pensionit në 59.
Pezullimi i grevës, së bashku me zvogëlimin e numrit të protestave, shihet nga disa si fillimi i përfundimit të demonstratave kundër projektligjit të pensioneve.
Për sindikatat, lufta kundër ligjit nuk ka mbaruar. Dita e njëmbëdhjetë e veprimit është caktuar për 6 prill.