Një vit e gjysmë pas ngjarjes tragjike, ku mbeti e vrarë aksidentalisht fotografja, Halyna Hutchins, gjatë xhirime në New Mexico, kasti i filmit “Rust” është rikthyer në shesh-xhirim.
Aktori Alec Baldwin pritet po ashtu të rikthehet në Montana në javët në vijim, me rolin e tij, vetëm 2 javë para se në New Mexico të nisë gjyqi, për të vendosur nëse ai do të dënohet për vdekjen e Haçins në tetor të 2021 apo jo.
Rreth shtatë muaj më parë, Baldwin arriti një marrëveshje me bashkëshortin e Halyna Hutchins, sipas të cilës iu dha drita jeshile rikthimit të xhirimeve të filmit “Rust” me të njëjtin subjekt, me të njëjtët aktorë dhe të njëjtin regjisor, Joel Souza, që mbeti po ashtu i plagosur.
Kompania e prodhimit të filmit “Rust” do të xhirojë një dokumentar i cili do të përfshijë jetën dhe karrierën e Halyna Hutchins, e cila ndërroi jetë pasi u qëllua gjatë një xhirimi në vitin 2021. Madje ky dokumentar ka mbështetjen e bashkëshortit të Hutchins, Matthew.
Në intervistën e parë në televizion që nga tragjedia në sheshxhirim, aktori i njohur Alec Baldwin me lot në sy u shpreh se ai nuk e tërhoqi këmbëzën në armën që vrau aksidentalisht kineasten Halyna Hutchins, por tha se ajo doli në mënyrë të pashpjegueshme pasi ai e mori atë.