Presidenti i Napolit, De Laurentiis duket se ka vendosur përfundimisht për largimin e Luciano Spallettit nga kreu i shtabit teknik.
Ani pse Spalletti arriti ta shpallte kampion të Italisë skuadrën e Napolit pas 33 viteve, tekniku italian dhe presidenti i klubit nuk kanë gjetur gjuhën e përbashkët.
Sipas raportimeve nga mediat italiane, Napoli ka shumë gjasë që të transferojë ish-trajnerin e Barcelonës, Luis Enrique.
Presidenti i Napolit, De Laurentiis dëshiron që ish-trajneri i Spanjës e Barcelonës të marrë drejtimin e skuadrës, duke i ofruar një kontratë prej 5 milionë eurove në vit.
Enrique ndodhet pa klub pas largimit nga Kombëtarja e Spanjës gjatë muajit dhjetor kur edhe u eliminuan nga Kupa e Botës.
Tekniku spanjoll gjatë kohës sa kishte marrë drejtimin e Barcelonës me të cilët ka zhvilluar 181 ndeshje. Ai ka fituar Ligën e Kampionëve, Kupën e Botës për klube, Superkupën Evropiane dhe ka arritur të shpallet dy herë kampion në Spanjë.