Një numër i madh i shikuesve kanë hyrë në fushë dhe kanë sulmuar gjyqtarët e ndeshjes, Tirana – Bylysi.
“Panorama Sport” ka njoftuar se pas përfundimit të ndeshjes që u mbyll baras 2:2 të enjten, të parët që rrethuan gjyqtarin Meta, ishin lojtarët e Tiranës, ndërsa më pas edhe shikuesit e revoltuar u futën në fushë.
Disa edhe arritën të godisnin gjyqtarët. E gjithë revolta e lojtarëve dhe shikuesve ishte shkaku i dhënies së një penalltie në minutën e 74-t.
Bylysi shënoi penalltia për rezultatin 2:2, që ishte edhe i fundit të takimit. “Policia dhe forcat e sigurisë, ia dolën pas disa çastesh kaosi të shoqëronin në dhomat e zhveshjeve gjyqtarët e sfidës”, shkruan “Panorama Sport”.
Me këtë barazim, Tirana ka humbur vendin e parë. Nga 35 ndeshje, Partizani është në vendi ne parë me 64 pikë, sa ka edhe Tirana në vendin e dytë.
Ka mbetur edhe një xhiro deri në fund.