Gjyqtarët e ndeshjes mes Tiranës dhe Bylisit janë sulmuar mbrëmë pasi Tirana u ndal me barazim duke humbur kështu seriozisht shpresat për titullin e kampionit.
Një penallti e dyshimtë ka shkaktuar tensione të tifozët e skuadrës nga kryeqytetit, të cilët kanë zgjedhur të sulmojnë rëndë gjyqtarët e takimit.
Gjyqtarët: Kridens Meta, Denis Rexha, Xhulio Mani dhe Olti Çela kanë pësuar dëmtime të shumta.
Sipas “Panorama Sport”, katërshja e gjyqtarëve është goditur deri në hyrjen e zhveshtoreve, teksa është dashur përcjellja e policisë për ti larguar nga perimetri i stadiumit.
Denis Rexhën e kanë goditur në kokë dhe veshin e djathtë, Kridens Metën në nofull. Xhulio Mani është goditur me shkelma, ndërsa arbitri i katërt, Olti Çela, me grusht në fytyrë.
Tirana u ndal me barazim mbrëmë nga Bylysi duke përfunduar në pozitën e dytë në tabelë. Edhe pse me pikë të barabarta, për shkak të golëverazhit, Partizani ndodhet në pozitën e parë në tabelë.
Xhiron e ardhshme, Tirana do të takohet me Erzenin, kurse Partizani e pret Teutën.