Trepça ’89 triumfoi 2-1 në shtëpi ndaj Prishtinës në xhiron e fundit të Albi Mall Superligën e Kosovës, por që kishte shumë polemika nga fundi i takimit.
Derisa nga ky takim i kishin sytë edhe te ai në mes të Ferizajt dhe Dukagjinit, ku do të vendosej skuadra që shkonte në barazh – u dhanë nëntë minuta lojë shtesë.
Derisa në Ferizaj u mësua se sa minuta shtesë kishte në Mitrovicë, aty u shtuan 17 minuta, derisa u pa edhe një moment diskutabil.
Egzon Fazliu i Trepçës ‘89 realizoi në minutën e 96-të, pas një reagimi të dobët nga mbrojtja mysafire.
Pamjet më poshtë tregojnë më së miri se çfarë ndodhi në këtë aksion, ndërsa pa u përfolur nuk ka kaluar as takimi në mes të Ferizajt dhe Dukagjinit, sidomos goli i minutës 105-të.