Emisari i BE-së, Miroslav Lajçak, ka reaguar pasi ka zhvilluar një takim me kolegun e tij amerikan, Gabriel Escobar.
Ai tha se bashkë me të dërguarin e ShBA-së për Ballkanin Perëndimor kanë ndarë vlerësimet e tyre për situatën në këtë rajon.
Mes tjerash, Lajçak shkroi në Twitter se diskutuan përpjekjet e përbashkëta të ShBA-së dhe BE-së, transmeton Paparaci.
“Gjithmonë jam i lumtur të takoj kolegun tim nga ShBA-të, Gabriel Escobar për të ndarë vlerësimet tona mbi situatën në Ballkanin Perëndimor dhe për të diskutuar përpjekjet tona të përbashkëta BE-ShBA Faleminderit për bashkëpunimin tonë të ngushtë dhe mbështetjen e fortë të SHBA-së”, ka thënë diplomati sllovak, pasi gjatë së martës, ai zhvilloi një debat publik në Këshillin Atlantik.
Aty, bashkë me Escobarin, ai foli për raportet mes Kosovës dhe Serbisë. Gjithashtu, nga Uashingtoni u kërkua lirimi i menjëhershëm dhe pa kushte i tre policëve kosovarë që u kidnapuan të mërkurën e kaluar nga forcat serbe./Paparaci.com
Always great to meet my colleague 🇺🇸 DAS Escobar to share our assessments on the situation in the Western Balkans and discuss our joint 🇪🇺🇺🇸 efforts. Grateful for our close cooperation and strong US support. pic.twitter.com/3ADJxvZSlI
— Miroslav Lajčák (@MiroslavLajcak) June 20, 2023