Ish-kryeministri i Kosovës, Avdullah Hoti, ka publikuar një fotografi nga koha e regjimit të Enver Hoxhës në Shqipëri, në të cilën është shkruar një mesazh kundër ShBA-së.
“Imperializmi amerikan është një tigër prej letre”, është mezazhi i shkruar kundër SHBA-së.
Publikimi i kësaj fotografie nga deputeti i LDK-së, vjen pasi kryediplomatja kosovare, Donika Gërvalla Schwarz e ka quajtur sot Bashkimin Evropian një “tigër prej letre”, meqë sipas saj BE-ja pa SHBA-në s’mund të ofrojë siguri për rajonin.
Mirëpo, deputeti Hoti, më pas e ka fshirë postimin nga rrjeti i tij social, Facebook.
