Gjilani dhe Ballkani kanë ndarë pikët pasi kanë barazuar me rezultat 1-1, në ndeshjen e zhvilluar të shtunën.
Ndeshja nisi më mirë për skuadrën vendase që rrezikoi në minutat e para në tri raste me Blerim Krasniqin, por goditjet e tij ishin të pa sakta.
Rastin e parë per “Xhebrailat” e pati Armend Thaqi. Goditja e tij u ndal nga portieri Enea Koliqi, transmeton Paparaci.com.
Për Ballkanin rrezikoi edhe sulmuesi nigerian, Theophilius Solomon, por gjuajtja e tij në pjesën e parë u prit nga gardiani i portës së Gjilanit.
Pjesa e parë u mbyll në paqe. Por, ndryshe ishte në pjesën e dytë të ndeshjes.
Në minutën e 58-të, Gjilani kaloi në epërsi me golin e Gerhard Prognit pas asistimit nga bashkëlojtari i tij, Fiton Hajdari.
Festa e vendasve zgjati vetëm 5 minuta, pasi Nazmi Gripshi i mysafirëve shënoi një gol nga gjuajtja e lirë për të barazuar rezultatin në 1-1. Deri në fund të takimit, rezultati nuk ndryshoi.
Me këtë barazim, Gjilani mbetet në vendin e tretë me 14 pikë, kurse Ballkani barazohet me Drenicën me pikë në krye të tabelës. Ka 17 pikë, por goldallim më të dobët se “kuqezinjtë”. /Paparaci.com